Descripción

O turismo consolidouse como un dos sectores máis relevantes desde o punto de vista económico e social, non só en España senón tamén a nivel mundial. No contexto das disciplinas de carácter social, o turismo é un obxecto de coñecemento interdisciplinar que abarca un amplo abanico de actividades desenvolvidas por empresas privadas e institucións públicas, con impacto sobre a vida das persoas, tanto residentes como visitantes.

Este programa de doutoramento presenta dúas singularidades que o fan especialmente atractivo: a participación de 12 universidades españolas cunha dilatada traxectoria nos estudos turísticos, creando sinerxias e estímulos para o estudantado; e o carácter interdisciplinar coa implicación activa de numerosas áreas de coñecemento que contribúen a enriquecer o Programa a través dunha variada oferta de liñas de investigación.

Universidades participantes

1. Antonio de Nebrija
2. Complutense de Madrid
3. Alicante
4. Cádiz
5. Extremadura
6. La Laguna
7. Málaga
8. Santiago de Compostela
9. Sevilla
10. Vigo
11. Rey Juan Carlos
12. Universitat Oberta de Catalunya